إحصائية العضو

آخر مواضيعي

السلااام عليييكم ..

قصة صاارت لأقرب شخص لي بالدنيا ..

وأبي راايكم .. انا يمكن ما اكتب تفااصيل القصة كاامله ..,, بس بكتب إلي أقدر علييه ..


* الأسمـاء في القصة غير حقيقية * !!

من يوم كان بالابتدائي يحبها (( فواز )) .. و اهي ما تدري .. واهي تصير بنت عمت بنت خالته ..

وكااان يموووت فيهاا .. و يحلم ان في يوم من الأيام راح يقولها (( أحبج )) و رااح تقوله (( أحبكـ )) ..

وكان حلمه ان يعيشون مع بعض ..

كبروا و اهو ليلحين يبيها و يحبهاا من كل قلبه .. وما حب غيرها بهالدنيا .. و يوم من الأيام شاافها بالشاليه مع بنت

خالته .. وقرر ان يقوول حق بنت خاالته ان تكلمها عنه لأن مو قاادر يتحمل ..والبنت (( هند )) كانت أكبر منه بسنه وحده !

بنت خالته كلمتها .. جان تقولها هند : قوليله ما اقدر أكلمك .. أنا اكبر منكـ ..

وقااعد يحااول يقنعها ان ماكو فرق واايد و كلهاا سنه وحده ..

المهم بعد اسبوع تقريبا (( هند )) دزت مسج حق بنت خالها << إلي يصيرلها فواز بنت خالته >> و قالتلها أبي ايميل فواز .. عشان بكلمه بالمسنجر و جذي ..

واهو يوم قالتله بنت خالته ما صدق خبر .. استاانس و هييص .. و والله من الوناسه كتب إيميله 3 مراات غلط ..

المهم عطااها ايميله .. طبعا شلوون عطاها !! بنت خالته دزته مسج حق هند !!

و كان كل يوم يشبكـ .. على الله يشووفها و يسوولف معاها !!

وكاان كل ما يشووفها شاابكه و يسولف معاها يستاانس و يطيير من الفرحه .. و يهد كل شئ و يجاابلهاا .. حتى لو كاان بيطلع و مواعد ربعه .. كان يكشت فييهم !!

ومع الأياام والأشهر .. المهم كلمها بالمسنجر لمده سنه تقريبا ..

ومره من المرات قالتله فواز عطني رقمكـ !!

اهو استغرب واستاانس بنفس الوقت ..

وعطاها رقمه ..

ودقت علييه و سواالف وسواالف .. وكااااان حده طااير من الفرح .. عبااله حبته !!

وكان يترجا بنت خالته عشاان تيبها معاها الشاليه بس عشاان يشوفها !!

وتمر الأياام و تمر الأياام ..

المهم قااعد تكلمه تقريبا مو كل يوم .. لأ .. كل يومين تقريبا .. و كانت تقوله انت مثل اخوي و احنا ربع و بس ..

اهو من الوناسه كان يقولها اوكي .. بس اهو يحبها .. وبهالفتره كانت تدري انه يحبهاا .. بس ما حبت تبينله انها تدري !!

وبعد سنه تقريبا على هالحاال و قلبه يتقطع !!

ويوم من الأياام ادق عليييه و تقووله أقدر أشووفكـ و اهي متضاايقه !!

قالهاا شفييج ..؟؟ قالتله لا بس بشووفكـ ..بقوولك شئ !!

المهم حااول ان يشوووفها .. بس ما قدر ..

اهو حس بشئ !! و ان صااير شئ !!

فـ أول ما كلمها و قالها ما اقدر اشووفج .. جان يقولها شفييج ..؟؟

لييش متضاايقه !!؟؟

جان تقوله فواز انا بقولكـ شئ خاشته عنك طول هالفتره و كنت متردده اني اقوله لكـ ..

اهو حس ..

جان يقولها .. انتي تكلمييين ...؟؟

قااالتله : أي .. بس كلمتك انت عليه ..

ومن يومهاا كان يشووف الدنيا سووده بويهاا ..

قالتله احنا لازم نفترق .. عشاان ما نتعلق في بعض أكثر !! .. لأن انا احبه و اهو يحبني !! وانا معااه من 4 سنين !!

قالها : بس أنا ما اقدر أهدج !!

قالتله : لا تهدني .. خلنا نكوون ربع و أهل .. وانا بس ما ابي أحد .. ما أبيكـ ولا أبيه ..

أنا بنطر و بشووف نصيبي مع منو !!

وبشووف إلي الله كاتبه !!

قالهاا الي تبينه رااح يصييير .. انا ولا عمري رديتلج طلب ..

ونقطعوا فتره و كان قلبه يتقطع عليهاا ..

بس كان بينهم مسجات بين فتره و فتره و اتصالات من وقت لي وقت ..

المهم بعد أكثر من 3 أشهر دقت عليه و سوالف وسوالف .. جان تقوله :

فواز .. أنا أحبكـ و أبيكـ ..

طبعا فواز ما صدق خبر و استاانس و قاام يصرخ بالبيت و كان بلييل ..

وحده استاانس و من كثر ونااسته ما ناام .. وقاام الصبح طلع بره البيت قاام يركض بالشاارع والله ..

المهم حبوا بعض ..

وكاانت عنده الدنيا كلها .. واي شئ تقووله يسوي لها ..

وكاان كل اسبووع تشووفه ..

وتعطيه اشيااء .. و يعطيها أشيااء ..

وكل ما بيشووفهاا نفس المكاان ..

المهم .. حبوا بعض و ارتااح و استاانس .. ومن كثر الونااسه قالها بخطبج !!

قالتله اوكي بس خلص درااسة أول .. انا لكـ برووحك !!

ومن كثر ما اهو مستاانس قاال حق امه و جدته ان بيخطب .. بس ما قالهم منو !!؟؟

المهم حبوا بعض لمده أقل من 3 أشهر ..

وبعد هالـ 3 أشهر

قالتله .. انا برووح حق الي كنت أكلمه قبل و اسمه (( أحمد )) برووحله عشاان باخذ منه صوري ..

وقالهاا لأ .. لا تروحين .. المهم واهو ما يدري رااحت و شافته !! و خذت الصور و مشت ..

جاان يدق عليها فواز .. جان يقولها وينج ..؟؟

حس انها قاعد تجذب ! قاعد تقوله انا بالكلية وجذي ..

قالها انا عندي محاضره .. اطلع و ادق ..

وبعد ما خلص دوام فواز دق عليهاا .. وقالهاا قوليلي الصج وين كنتي اليووم !!

وكاان كل ما يقوولها حبيبتي و من هالكلام الحلو .. تقووله بلييز لا تقوول جذي !!

قالها لييش ؟؟

قالتله انا تسرعت يوم حبيتكـ .. انا شفت (( احمد )) اليوم و أخذت صوري و حنيتله ..

بس احنا ما نقدر نكمل مع بعض !! لااازم نوخر عن بعض عشاان أشووف انا ارتااح حق منو !!؟؟

اهو عصب و حاول معاها .. ما قدر .. قالهاا اوكي والدمعه بعيونه ..الي تشوفينه ..

وتمت على هالحاال تنطر النصييب.. وبعد فتره قاامت ادق على فواز و مسجاات بس على أسااس صداقة و أهل ..

وبعد فتره قالتله أنا أبي (( أحمد )) ..

وحااول فيهاا و قالهاا وين كلاامج الي قلتليلي ايااه !!

وحااول فيها ..

لــكن ما اقتنعت !! اهيي تبي جذي ..

قالتله مو معناته اني انا ابي احمد اني ما احبك و كرهتك !! لأ انت اخوي ومن هالكلااام الي ماله دااعي ..

بس اهو ما سوى شئ .. وقعد يبجي على عمره .. و يتحسف ..

ومن بعد ما اقتنع ان هالشئ لااازم يصيير .. كلم وحده ... قاال يمكن انسى هند !! بس ما قدر !! و هد الي كلمهاا .. ورجع كلم وحده ثاانيه .. لاكن ما طول معااها و هدهاا ..

لأن ما يقدر ينساها ..

قريتوا القصه حبايبي !!

أبي منكم حــل حق هالسالفة ..؟؟

شراايكم ..؟؟

إحصائية العضو

آخر مواضيعي

إحصائية العضو

آخر مواضيعي

إحصائية العضو

آخر مواضيعي

السالفه يابتلي وثول !

صدعت بروحي مو ناقص ..

بس ماتدري شيسوي هالفواز مسكين على قوله اللي فوقي

بس الصراحه هند زعلتني منها ماكان بالحسبان تسوي جي !!!

ومشكوور على القصه ..

بس والله ماعندي حل !!

تقبل مروري يا بندول المنتدى :)


سالام ..